Ադրբեջանը շարունակում է օգնել Ուկրաինային

Ադրբեջանի նախագահ Իլհամ Ալիևը հանձնարարել է երկրի Էներգետիկայի նախարարությանը 2 մլն դոլար հատկացնել Ուկրաինային մարդասիրական օգնության համար: Կարգադրությունը հրապարակվել է պետության ղեկավարի կայքում, փոխանվցում է Gazeta-ն։

Գումարը կուղղվի Ադրբեջանում արտադրված էլեկտրասարքավորումների գնմանն ու Ուկրաինային ուղարկելուն։ Փաստաթղթում նշվում է՝ Բաքուն «վերջին տարիներին ստեղծված իրավիճակի կապակցությամբ» արդեն մի քանի անգամ մարդասիրական օգնություն է ուղարկել Կիևին:

«Ադրբեջանի Հանրապետության և Ուկրաինայի միջև հարաբերությունները զարգանում են բարեկամության և գործընկերության հողի վրա, համապատասխան երկկողմ փաստաթղթերի հիման վրա», - ընդգծվում է կարգադրության մեջ: