Զելենսկին Թրամփից պահանջում է չհետաձգել նոր պատժամիջոցները Ռուսաստանի դեմ

Ուկրաինայի նախագահ Վլադիմիր Զելենսկին կոչ է արել ԱՄՆ նախագահ Դոնալդ Թրամփին արագացնել Ռուսաստանի դեմ նոր պատժամիջոցների ընդունումը։ Ինչպես գրում է «Европейская правда»-ն, նա շեշտել է, որ սպասումները միայն ժամանակ են կորցնում և չեն ուժեղացնում ճնշումը Մոսկվայի վրա։

Զելենսկին արձագանքել է Թրամփի խոսքին, թե Վաշինգտոնը նոր պատժամիջոցներ կմտցնի այն ժամանակ, երբ Եվրոպան դադարեցնի ռուսական էներգակիրների գնումը։ Ըստ ուկրաինացի առաջնորդի՝ նման մոտեցումը վտանգավոր է, քանի որ թույլ է տալիս Ռուսաստանին շարունակել պատերազմական գործողությունները։ Նա նշել է, որ այս հարցը պատրաստվում է բարձրացնել Նյու Յորքում՝ ՄԱԿ-ի Գլխավոր վեհաժողովի ընթացքում Թրամփի հետ հանդիպման ժամանակ։

«Նախագահ Թրամփը սպասում է ուժեղ քայլերի Եվրոպայից։ Բայց ես ասել եմ իմ կարծիքը․ մենք շատ ժամանակ ենք կորցնում, եթե սպասում ենք և չենք ընդունում նոր քայլեր, որոնք մենք իսկապես նրանից ակնկալում ենք», — ընդգծել է Զելենսկին։