Իսրայելը ուժեղացնում է գրոհը Գազայում․ նոր զոհեր ու ավերածություններ

Իսրայելի բանակը շաբաթ օրը շարունակել է հարձակումը Գազայի քաղաքի և ամբողջ շրջանի վրա՝ պայթեցնելով ստորգետնյա թունելներ ու թակարդված շինություններ։ Գազայի առողջապահական մարմինների տվյալներով՝ վերջին գրոհների հետևանքով զոհվել է առնվազն 34 պաղեստինցի։

Հարձակումը համընկել է այն նորությունների հետ, որ տաս երկրներ, այդ թվում՝ Ավստրալիան, Բելգիան, Մեծ Բրիտանիան և Կանադան, պատրաստվում են երկուշաբթի օրը պաշտոնապես ճանաչել անկախ Պաղեստինյան պետությունը՝ ՄԱԿ-ի Գլխավոր վեհաժողովի նախօրեին։ Միևնույն ժամանակ, Իսրայելը վերջին շաբաթներին ուժեղացրել է Գազայի բարձրահարկ շենքերի քանդման գործողությունները, իսկ ցամաքային զորքերը վերահսկում են քաղաքի արևելյան թաղամասերը, փոխանցում է Reuters-ը։

Գազայի առողջապահության նախարարության հաշվարկներով՝ մոտ երկու տարվա ընթացքում իսրայելական գործողությունների հետևանքով զոհվել է ավելի քան 65 հազար պաղեստինցի, տարածվել է սով, իսկ բնակչության մեծ մասն արդեն մի քանի անգամ տեղահանվել է։ Իսրայելը պնդում է, որ հումանիտար ճգնաժամը չափազանցված է և որ պատերազմը կարող է ավարտվել, եթե ՀԱՄԱՍ-ը հանձնվի, ազատ արձակի պատանդներին և զինաթափվի։ Պատերազմը սկսվել էր 2023-ի հոկտեմբերի 7-ին՝ ՀԱՄԱՍ-ի հարձակմամբ Իսրայելի վրա, որի հետևանքով զոհվել էր 1,200 մարդ և առևանգվել 251 պատանդ։