Կիբերհարձակման պատճառով Բրյուսելի օդանավակայանում չվերթներ են չեղարկվել

Բրյուսելի միջազգային «Զավենտեմ» օդանավակայանում մի շարք չվերթներ չեղարկվել և ուշացվել են կիբերհարձակման հետևանքով։ Ինչպես փոխանցում է Belga գործակալությունը, հարձակումը խափանել է ուղևորների գրանցման և տոմսերի վերահսկման համակարգերը։

Հարձակումը սկսվել է սեպտեմբերի 19-ի երեկոյան։ Արդյունքում՝ սեպտեմբերի 20-ի առավոտյան արդեն չեղարկվել էր 9 չվերթ, իսկ ևս 15-ը ուշացել էին առնվազն մեկ ժամով։ Օդանավակայանի ներկայացուցիչ Իսանե Չիուա Լեկլին նշել է, որ համակարգի մատակարարը շտապ աշխատում է խնդրի լուծման վրա։

Նշվում է, որ շաբաթ օրը օդանավակայանը նախատեսել էր սպասարկել շուրջ 35 հազար ուղևորի։ Վարչակազմը խորհուրդ է տվել ժամանել միայն հաստատված չվերթերի դեպքում և ուշադիր հետևել պաշտոնական թարմացումներին։ Ավելի վաղ հաղորդվել էր, որ նմանատիպ հարձակման պատճառով խնդիրներ էին առաջացել նաև Լոնդոնի «Հիթրոու» և Բեռլինի օդանավակայաններում։