Ինչ պայման ունի Կատարը Գազայի հարցով բանակցությունները վերսկսելու համար. Axios

Ամերիկյան Axios լրատվական կայքը, հղում անելով աղբյուրներին, հայտնել է, որ Կատարը պահանջել է Իսրայելից ներողություն խնդրել Դոհայի հարվածի համար՝ Գազայի հակամարտության կարգավորման բանակցությունները վերսկսելու համար։

Լրագրողները նշել են, որ Իսրայելի ներողությունը «վտանգավոր քայլ» կլինի վարչապետ Բենիամին Նեթանյահուի համար։ Սակայն հոդվածի հեղինակները նշել են, որ Կատարը «պատրաստ է ճկունություն ցուցաբերել իր ձևակերպումների մեջ»։

Իսրայելցի բարձրաստիճան պաշտոնյան հավելել է, որ Իսրայելի իշխանությունները թերագնահատել են Դոհայի հարվածի հետևանքով առաջացած ճգնաժամի մասշտաբները։ Նա ասել է, որ Նեթանյահուն «հասկանում է, որ սխալ է հաշվարկել»։