Իսրայելում զանգվածային բողոքի ցույցեր են տեղի ունեցել

Հազարավոր մարդիկ մասնակցել են Իսրայելում զանգվածային բողոքի ցույցերին, հաղորդում է ՏԱՍՍ-ը։

Գործակալության տվյալներով՝ ցուցարարները պահանջել են, որ Իսրայելի իշխանությունները ապահովեն Գազայի հատվածում պահվող պատանդների ազատ արձակումը։ Ցուցարարները խստորեն քննադատել են վարչապետ Բենիամին Նեթանյահուին և նրա քաղաքականությունը՝ անկլավում ռազմական գործողությունները սրելու համար։

Ամենամեծ բողոքի ցույցերից մեկը տեղի է ունեցել Թել Ավիվի արևելքում գտնվող կառավարական շենքերի համալիրի մոտ։ Ցուցարարները հավաքվել են նաև Երուսաղեմում՝ Նեթանյահուի նստավայրի մոտ։