Էրդողանն անհիմն է անվանել Թրամփի որդու հետ «սակարկության» մասին մեղադրանքները

Թուրքիան գործարքներ է քննարկում ԱՄՆ նախագահ Դոնալդ Թրամփի հետ, այլ ոչ թե նրա որդու։ Գազայի հատվածի շուրջ «սակարկության» մեղադրանքները անհիմն են, հայտարարել է Թուրքիայի նախագահ Ռեջեփ Թայիփ Էրդողանի, հաղորդում է ՌԻԱ Նովոստին։

Մի քանի օր առաջ հաղորդվել էր, որ ԱՄՆ նախագահի որդին՝ Դոնալդ Թրամփ կրտսերը, Ստամբուլ չհայտարարված այցի ժամանակ հանդիպել է Թուրքիայի նախագահ Ռեջեփ Թայիփ Էրդողանի հետ։

Թուրքիայի Հանրապետական ​​ժողովրդական կուսակցության նախագահ Օզգյուր Օզելը բանակցությունները որակել է «գաղտնի» և ընդգծել, որ քննարկումը կենտրոնացած է եղել պաղեստինյան հարցի վրա, որը տարածաշրջանի ամենազգայուն հարցերից մեկն է։ Օզելը պնդել է, որ Էրդողանը պարզապես կեղծ քննադատություն է հնչեցնում Իսրայելի վարչապետ Բենիամին Նեթանյահուի հասցեին, միաժամանակ խուսափելով Դոնալդ Թրամփ ավագի մասին որևէ հրապարակավ հայտարարություն անելուց։ Ըստ նրա՝ Թրամփը «տարածաշրջանում հակամարտության գլխավոր հովանավորն է»։

«Օզելը մեզ հետ էր այս հանդիպմանը։ Չեք հավատում չէ՞ նրան։ Այդ մարդը անընդհատ ինչ–որ բան է հորինում։ Մենք չենք հարցնում Օզելի կարծիքը, երբ ինքնաթիռներ ենք գնում կամ նման բաներ։ Նա ոչինչ չի հասկանում դրանից», - ասել է Էրդողանը։