Մադուրոն առաջարկով դիմել Է Թրամփին

Վենեսուելայի նախագահ Նիկոլաս Մադուրոն ԱՄՆ-ի ղեկավար Դոնալդ Թրամփին առաջարկել է վերսկսել ուղիղ երկխոսությունը՝ երկու երկրների միջև տարաձայնությունները կարգավորելու համար: Այս մասին ասված է Մադուրոյի՝ Թրամփին ուղղված նամակում, որը հրապարակվել է Վենեսուելայի տեղեկատվության և կապի նախարար Ֆրեդի Նյանյեսի Telegram-ալիքում:

Նամակում Մադուրոն ընդգծել է՝ Թրամփի երկրորդ նախագահական ժամկետի առաջին ամիսներին վենեսուելական կողմը միշտ ձգտել է ուղիղ հաղորդակցության, որպեսզի քննարկի և լուծի Կարակասի և Վաշինգտոնի միջև ծագող ցանկացած հարց: Ուստի ցանկացած տարաձայնությունների կարգավորման համար անհրաժեշտ է պահպանել երկու երկրների կառավարությունների միջեւ «ուղիղ և անկեղծ հաղորդակցությունը»։

Բոլիվարյան Հանրապետության ղեկավարը մեջբերել Է ՄԱԿ-ի տվյալները, որոնք վկայում են այն մասին, որ Վենեսուելան թմրանյութ արտադրող երկիր չէ և պայքարում է Կոլումբիայի հետ սահմանին թմրանյութերի ապօրինի շրջանառության դեմ: Մադուրոն ընդգծել է՝ Վենեսուելան թմրանյութերի արտադրությունից ազատ տարածք է, և երկիրը, ոստիկանության և բանակի շնորհիվ, կապ չունի թմրաբիզնեսի հետ: Վերջինս երախտագիտություն է հայտնել Թրամփին աշխարհի տարբեր տարածաշրջաններում հակամարտությունները դադարեցնելու ջանքերի համար և կոչ Է արել Վաշինգտոնին երաշխավորել Լատինական Ամերիկայում և Կարիբյան ավազանում խաղաղության պահպանումը: