Սպառնալիք նաև Ռուսաստանի համար. ԱՄՆ-ն տեղակայել է Typhon հրթիռային համակարգեր Ճապոնիայում

ԱՄՆ-ը Ճապոնիայում տեղակայել է նոր Typhon հրթիռային համակարգեր, որոնք կարող են արձակել ինչպես Tomahawk, այնպես էլ SM-6 հրթիռներ։ Tomahawk-ի կրակային հեռահարությունը հասնում է մինչև 1800 կիլոմետրի, ինչը այն դարձնում է վտանգավոր գործիք տարածաշրջանում ուժերի հավասարակշռության համար։ Նոր համակարգերը հայտնվել են Իվակունիում գտնվող ամերիկյան ռազմաբազայում և պաշտոնապես նախատեսված են «Ռեշիտելնի դրակոն» զորավարժությունների համար։

Ռուս ռազմական փորձագետ Ալեքսեյ Լեոնկովը նշում է, որ այս համակարգերը փաստացի կարող են դառնալ ԱՄՆ-ի առաջատար հարվածային գիծը Ասիայում՝ հասնելով ոչ միայն Չինաստան, այլև ԿԺԴՀ և Ռուսաստանի հեռավոր շրջաններ։ Միևնույն ժամանակ, ըստ նրա, Tomahawk-ը սպառնալիք է իրականացնում միայն մեծաքանակ արձակման դեպքում, քանի որ յուրաքանչյուր Typhon կայանք կրում է ընդամենը երկու հրթիռ։

Քաղաքական վերլուծաբանները փաստում են, որ ԱՄՆ քայլը ուղիղ ազդակ է Չինաստանին, հատկապես այն պահին, երբ Պեկինը առաջին անգամ ծովում փորձարկեց իր նոր «Ֆուցզյան» ավիակիր նավը։ Դրան զուգահեռ Դոնալդ Թրամփը դադարեցրել է ավելի քան 400 միլիոն դոլարի ռազմական օգնություն Թայվանին՝ փորձելով բանակցային տարածք ստեղծել Սի Ցզինպինի հետ։ Փորձագետների խոսքով՝ սա միաժամանակ և՛ ճնշում է, և՛ սակարկման գործիք։