Պետդումայում պարզաբանում են․ Պուտինի առաջարկը ԱՄՆ-ին ավելի իրատեսական է, քան նոր պայմանագիրը

Ռուսաստանի նախագահ Վլադիմիր Պուտինը առաջարկել է ԱՄՆ-ին պահպանել ռազմավարական հարձակողական սպառազինությունների սահմանափակման պայմանագիրը (ԴՍՆՎ), քանի որ գործող փաստաթուղթը երկարաձգելը ավելի հեշտ է, քան նոր համաձայնագիր ստորագրելը։ Պետդումայի պատգամավոր Սվետլանա Ժուրովան ընդգծել է, որ նոր պայմանագիր կնքելը բարդ և ժամանակատար գործընթաց է՝ պահանջում է բազմաթիվ միջպետական ու իրավական ընթացակարգեր։

Ժուրովան նշել է, որ Պուտինը հնարավոր է նման ձևաչափ քննարկել է Դոնալդ Թրամփի հետ Ալյասկայի Անկորիջ քաղաքում կայացած հանդիպման ընթացքում։ Նրա խոսքով՝ նույնիսկ երկարաձգման տարբերակը ժամանակ է պահանջում, սակայն դա միանշանակ ավելի իրատեսական է, քան նոր փաստաթղթի մշակումը։

Պատգամավորը նաև չի բացառել, որ անհրաժեշտ կլինեն որոշ լրացումներ՝ պայմանավորված ժամանակի փոփոխություններով, սակայն դա, ըստ նրա, «ամեն դեպքում ավելի հեշտ է, քան ամբողջովին նոր պայմանագիր ստորագրելը»։ Պուտինը հայտարարել էր, որ Մոսկվան պատրաստ է կամավոր պահպանել ԴՍՆՎ-ի դրույթները, եթե նման քայլ անի նաև Վաշինգտոնը, հայտնում է Лента.ру-ն։