Հայաստանը կարևորում է հարաբերությունները ՆԱՏՕ-ի հետ. Փաշինյան

Վարչապետ Նիկոլ Փաշինյանը հայտարարել է, որ Հայաստանի համար մեծ կարևորություն ունեն հարաբերությունները ՆԱՏՕ-ի հետ։ Նա այս մասին ասել է Երեւանում անցկացվող ՆԱՏՕ-ի Խորհրդարանական վեհաժողովի Rose-Roth ծրագրի 108-րդ սեմինարի ընթացքում՝ հանդիպելով վեհաժողովի նախագահ Մարկոս Պերեստրելլային։

Փաշինյանը ընդգծել է, որ համագործակցության նշանակությունը տեսնում է ոչ միայն խաղաղապահ առաքելություններին մասնակցության, այլեւ ժողովրդավարական ինստիտուտների ամրապնդմանն ուղղված ծրագրերի շրջանակում։

Ավելի վաղ Հայաստանի Անվտանգության խորհրդի քարտուղար Արմեն Գրիգորյանը նույն սեմինարի ժամանակ հայտարարել էր, որ Երեւանը գնահատում եւ հետևողականորեն զարգացնում է կապերը ՆԱՏՕ-ի հետ, հայտնում է Лента.ру-ն։