ՀՕՊ համակարգերը հետ մղեցին Կիևի նոր հարվածը Մոսկվայի ուղղությամբ. Սոբյանին

Մոսկվայի քաղաքապետ Սերգեյ Սոբյանինը հայտնել է, որ Ռուսաստանի Պաշտպանության նախարարության հակաօդային պաշտպանության համակարգերը հետ մղել են Ուկրաինայի զինված ուժերի կողմից իրականացված անօդաչու թռչող սարքերի հարձակումը մայրաքաղաքի ուղղությամբ։

«Անօդաչուների հարձակումը Մոսկվայի վրա մերժվել է ՊՆ ՀՕՊ ուժերի կողմից։ Դեպքի վայրերում աշխատում են բոլոր արտակարգ ծառայությունները», — գրել է Սոբյանինը իր ուղերձում։

Բացի այդ, մոսկվացիներն ու Մոսկվայի մարզի բնակիչները հայտնել են մի շարք ուժեղ պայթյունների մասին։ Նշենք, որ նախորդ օրը Ուկրաինայի կողմից հարված էր հասցվել նաև Ղրիմի առողջարանային գոտուն․ ըստ պաշտոնական տվյալների՝ երեք մարդ զոհվել է, ևս 15-ը՝ վիրավորվել, հայտնում է Лента.ру -ն։