Ռումինիայում կամավոր զինվորական ծառայություն կմտցնեն

Ռումինիայի ազգային պաշտպանության նախարար Յոնուց Մոշտյանուն հայտնել է՝ երկրում 2026 թվականից կամավոր զինվորական ծառայություն կմտցնեն, գրում է Antena 3-ը:

«Նպատակն է ներդնել կամավոր զինվորական ծառայության նոր հայեցակարգ, ըստ որի՝ երիտասարդները՝ պատանիներ և աղջիկներ, գալիս են բանակ ծառայելու չորս ամսով, այնուհետև մնում են պահեստազորում», - ասել է նախարարը:

Նրա խոսքով՝ Ռումինիայի կառավարությունն աշխատում է փոփոխությունների վրա, որոնք գործատուներին թույլ կտան արձակուրդ տրամադրել իրենց աշխատողներին զինվորական ծառայության ընթացքում: «Կամավոր զինվորական ծառայության ներդրման հիմնական պատճառը ծերացող պահեստազորն» է, նշել է Մոշտյանուն։