ՌԴ-ում կալանավորների ուղեկցման համակարգը ճգնաժամի մեջ է․ ոստիկանների պակասը հասել է մեկ երրորդի

Ռուսաստանում լուրջ խնդիր է առաջացել կալանավորների ուղեկցման ոլորտում․ ըստ առաջին փոխնախարար Ալեքսանդր Գորովոյի՝ կոնվոյային ստորաբաժանումներում աշխատակիցների պակասը կազմում է 29 տոկոս։ Փաստացի չբավարարում է յուրաքանչյուր երրորդ հաստիքը։ Գորովոյի խոսքով՝ սա բարդ և հոգեբանական ու առողջական լուրջ ճնշում պահանջող աշխատանք է, գրում է Лента.ру-ն։

Խնդրի պատճառով ոստիկանությունը ստիպված է կալանավորներին ուղեկցելու համար ներգրավել պարեկային ծառայության, ճանապարհային ոստիկանության և օպերատիվ ստորաբաժանումների աշխատակիցներին։ Շատ դեպքերում պարեկներին անգամ հանում են փողոցներից, որպեսզի ապահովեն անվտանգությունը դատարաններում։ Միայն 2024 թվականին դատարաններ և քննչական գործողությունների է տեղափոխվել շուրջ չորս միլիոն կալանավոր։

Նախկինում ներքին գործերի նախարար Վլադիմիր Կոլոկոլցևն արդեն նշել էր, որ մի շարք ռուսական շրջաններում ոստիկանությունն ունի կադրային լուրջ խնդիրներ։ Օրինակ՝ Ռոստովի և Կրասնոդարի մարզերում պարեկային ծառայության թերի համալրումը անցնում է 40 տոկոսի, իսկ Պերմի երկրամասում՝ 50 տոկոսի։