Թրամփի դեմ մահափորձի մեջ կասկածվողը մեղավոր է ճանաչվել․ Fox News
Աշխարհ
Ռայան Ռաութը, որը մեղադրվում է ԱՄՆ նախագահ Դոնալդ Թրամփի 2024 թվականի նախընտրական քարոզարշավի ժամանակ նրա դեմ մահափորձ կատարելու մեջ, մեղավոր է ճանաչվել բոլոր մեղադրանքներով, հաղորդում է Fox News-ը։
«Նախագահ Թրամփի դեմ մահափորձ կատարած անձի դեմ այսօրվա մեղավորության դատավճիռը ցույց է տալիս Արդարադատության նախարարության հանձնառությունը՝ պատժելու քաղաքական բռնության դիմողներին։ Այս մահափորձը ոչ միայն հարձակում էր մեր նախագահի, այլև մեր ազգի վրա», - ասել է ԱՄՆ դատախազ Փեմ Բոնդին։
Դոնալդ Թրամփի դեմ երկրորդ մահափորձը կանխվեց 2024 թվականի սեպտեմբերի 15-ին։ Գաղտնի ծառայությունը ձերբակալեց 58-ամյա Ռաութին, որը դիպուկահարի բույն էր տեղադրել գոլֆի դաշտի մոտ, որտեղ խաղում էր ԱՄՆ ապագա 47-րդ նախագահը։ Նրա մեքենայում ՀԴԲ գործակալները գտել են տասնյակ էջեր՝ Ուկրաինայի հետ կապված անձանց անուններով և հեռախոսահամարներով , ինչպես նաև նշումներ այն մասին, թե ինչպես միանալ ուկրաինական բանակին։ Հետագայում պարզվեց, որ ձերբակալությունից մեկ ամիս առաջ նա փորձել էր Ուկրաինայում ձեռք բերել նռնականետ կամ շարժական հակաօդային պաշտպանության համակարգ։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
