Ուկրաինան ՌԴ տարբեր մարզերի ուղղությամբ արձակել է պայթուցիկներով լցված տասնյակ օդապարիկներ

Ուկրաինայի զինված ուժերը (ԶՈւ) սեպտեմբերի 24-ի առավոտյան Ռուսաստանի տարբեր մարզերի ուղղությամբ արձակել են ավելի քան 30 օդերևութաբանական օդապարիկներ՝ լցված պայթուցիկ նյութերով։ Տեղեկությունը փոխանցում է «РИА Новости»-ն՝ հղում անելով արտակարգ ծառայություններին։ Նշվում է, որ բոլոր հայտնաբերված օդապարիկները ոչնչացվել են։

Ավելի վաղ Ռուսաստանի Պաշտպանության նախարարության աղբյուրը հայտնել էր, որ սեպտեմբերի 23-ի գիշերը Ուկրաինան կիրառել է օդապարիկներ հարձակման ժամանակ, սակայն այդ պահին չէր հստակեցվել՝ դրանք պայթուցիկներով զինված են եղել, թե ոչ։ Ռազմական վերլուծաբան Ալեքսեյ Ժիվովի խոսքով՝ օդապարիկները կարող էին ծառայել որպես խաբկանք՝ շեղելու Ռուսաստանի հակաօդային պաշտպանությունը կամ աջակցելու անօդաչու թռչող սարքերին հետախուզության և նշանառության գործընթացում։

Նման «օդապարիկ-ահաբեկիչներ» արդեն օգտագործվել են նախկինում․ 2024–2025 թվականներին արձանագրվել են մի շարք նմանատիպ միջադեպեր՝ հատկապես Լիպեցկի և Կուրսկի մարզերում։ Ըստ մասնագետների՝ այսպիսի սարքերը հաճախ ունեն ավելի մեծ բեռնատարողություն, քան որոշ անօդաչուներ, և կարող են կրել մինչև վեց 82 միլիմետրանոց ական։