Լոնդոնում «զզվելի» են որակել Թրամփի հայտարարությունները

Լոնդոնի քաղաքապետարանի ներկայացուցիչը «զզվելի» է որակել ԱՄՆ նախկին նախագահ Դոնալդ Թրամփի խոսքերը, որոնք հնչել էին ՄԱԿ-ի Գլխավոր ասամբլեայի ամբիոնից քաղաքապետ Սադիկ Խանի հասցեին։ «Մենք չենք պատրաստվում արձագանքել նրա զզվելի ու կեղծավոր հայտարարություններին։ Լոնդոնը աշխարհի ամենամեծ քաղաքն է, այն ավելի անվտանգ է, քան ամերիկյան խոշոր քաղաքները, և մենք ուրախ ենք, որ այստեղ է տեղափոխվում ԱՄՆ քաղաքացիների ռեկորդային թիվը», — հայտարարել է Խանի մամուլի քարտուղարը։

Մեծ Բրիտանիայի առողջապահության նախարար Ուես Սթրիթինգն իր հերթին մերժել է Թրամփի պնդումները, թե Լոնդոնի քաղաքապետը փորձում է «շարիաթի օրենքներ» հաստատել քաղաքում։ Նա ընդգծել է, որ Սադիկ Խանը պաշտպանում է քաղաքի շահերը՝ կենտրոնանալով տրանսպորտի զարգացման, օդի մաքրության և անվտանգության բարձրացման վրա։

Նախկինում Թրամփը քննադատել էր Եվրոպայի միգրացիոն քաղաքականությունը՝ պնդելով, թե մայրցամաքը «ինքն իրեն է կործանում» և եվրոպական մայրաքաղաքները «ոչինչ չեն անում» ապօրինի միգրանտներին վտարելու համար։ Նրա թիրախում հատկապես հայտնվել էր Լոնդոնը և դրա քաղաքապետը։