Նովոռոսիյսկում ԱԹՍ հարվածից հետո մարդիկ մնացել են փակված նկուղում

Նովոռոսիյսկում Ուկրաինայի զինված ուժերի հարձակման հետևանքով վնասված շենքի նկուղում երեք մարդ է մնացել փակված։ Տեղեկությունը հրապարակել է Shot-ը։ Նշվում է, որ շենքում գործում էր էլեկտրական սկուտերների վարձույթի կետ։

Անօդաչու սարքի հարվածից հետո շինությունում բռնկվել է հրդեհ։ Դեպքի վայր ժամանել են փրկարարները։ Ավելի ուշ հաղորդվել է, որ վիրավորների թիվը հասել է չորսի։ Քաղաքում հրդեհվել են երկու բնակելի շենքերի տանիքներ, ինչպես նաև վնասվել են երկու տարբեր հասցեներում գտնվող բնակարաններ։

Ավելի վաղ Կրասնոդարի երկրամասի նահանգապետ Վենիամին Կոնդրատևը հայտնել էր երեք վիրավորի և երկու զոհի մասին։ Նրա խոսքով՝ վնասվել են հինգ բնակելի շենք, այդ թվում՝ բազմաբնակարանայիններ, ինչպես նաև «Նովոռոսիյսկ» հյուրանոցը։ Հարձակումը տեղի է ունեցել սեպտեմբերի 24-ի ցերեկը, իսկ խոցված ԱԹՍ-ների բեկորները ընկել են մի քանի բազմահարկ շենքերի ու ավտոկայանատեղու վրա։