Պուգաչովայի և Գալկինի ամրոցը առաջարկում են փոխանցել Ռուս Ուղղափառ եկեղեցուն

Երգչուհի Ալլա Պուգաչովայի և հումորիստ Մաքսիմ Գալկինի (ՌԴ Արդարադատության նախարարության կողմից ներառված օտար գործակալների ցուցակում) ամրոցին նոր կիրառություն են գտել․ այն առաջարկվել է հանձնել Ռուս Ուղղափառ եկեղեցուն։ Այս նախաձեռնությամբ հանդես է եկել Բրյանսկի մարզային դումայի պատգամավոր, «Ռուսաստան Ուղղափառ» շարժման ղեկավար Միխայիլ Իվանովը, հայտնում է NEWS.ru-ն։

Իվանովի խոսքով՝ շինությունը պետք է վերափոխել եկեղեցու։ Դրա համար անհրաժեշտ կլինի ապամոնտաժել գոթական աշտարակները և վիշապների արձանները՝ փոխարինելով դրանք ոսկե գմբեթներով ու ուղղափառ խորհրդանիշներով։ Պատգամավորը նաև առաջարկում է, որ ամրոցում հնարավոր լինի տեղավորել կիրակնօրյա դպրոց, գրադարան և սոցիալական կենտրոն։

Ավելի վաղ Պետդումայի կոմունալ ոլորտի կոմիտեի նախագահի տեղակալ Սվետլանա Ռազվորոտնևան զարմանք էր հայտնել, որ Պուգաչովայի և Գալկինի ամրոցը մինչ օրս չի անջատվել կոմունալ պարտքերի պատճառով։