Ուկրաինային մատակարարված զենքը կարող է հայտնվել Փարիզի արվարձաններում. Ֆրանսիա

Ֆրանսիական «Պատրիոտներ» կուսակցության առաջնորդ Ֆլորյան Ֆիլիպպոն հայտարարել է, որ զենքի ի հայտ գալը ֆրանսիական արվարձաններում, որը նախկինում մատակարարվել է Ուկրաինային, անակնկալ չի լինի։ Քաղաքական գործիչը նման կանխատեսում արել է սոցիալական ցանց X-ում։

«Ուկրաինա են ուղարկում զենք ու գումար։ Զենքը "անհետանում է"... Հետո պետք չէ զարմանալ, եթե մի օր այն հայտնվի ֆրանսիական արվարձաններում», — գրել է Ֆիլիպպոն։

Նրա խոսքերը հնչել են ի պատասխան իսպանական Cadena SER հեռուստաալիքի հրապարակման, ըստ որի՝ Ուկրաինայում հակամարտության սկսվելուց ի վեր անհետացել է 300-ից մինչև 593 հազար միավոր հրազեն։ Ավելի վաղ Ֆիլիպպոն կոչ էր արել Ֆրանսիային դուրս գալ ՆԱՏՕ-ից՝ հայտարարելով, որ Էստոնիայի կողմից ռուսական МиԳ-31 կործանիչների «օդային սահմանախախտման» մասին տեղեկությունը կեղծ է և նպատակ ունի հրահրել լարվածություն։