Դեմնայի շքեղ մեկնարկը․ Gucci-ն Միլանում ներկայացավ կարճամետրաժ ֆիլմով

Gucci-ն Միլանի նորաձևության շաբաթը բացեց ոչ թե ավանդական պոդիումով, այլ կարճամետրաժ ֆիլմով։ «The Tiger» կինոնկարում, որը համատեղել են ռեժիսորներ Սփայք Ջոնզը և Հալինա Ռեյնը, դերասաններ Դեմի Մուրը, Էդվարդ Նորթոնը և Էդ Հարիսը հանդես են եկել նոր ստեղծագործական տնօրեն Դեմնայի նախագծած հագուստներով։ Ֆիլմի պատմությունը ծննդյան տոնական ընթրիքի շուրջ էր, փոխարինելով Gucci-ի դասական ներկայացման ձևաչափը։

Իտալական լեգենդար տան մայր ընկերությունը՝ Kering-ը, հույս ունի, որ Balenciaga-ի կերպարն ամբողջությամբ փոխած վրացի դիզայները նույն նորարարական ոգին կբերի նաև Gucci՝ դադարեցնելով վաճառքների անկումը։ Դեմնայի «La Famiglia» հավաքածուն ներառում է շքեղ մուշտակներ և խորը դեկոլտեներով շապիկներ։ Ֆիլմի ցուցադրության ժամանակ Մուրը հայտնվել էր ոսկեգույն շողուն զգեստով, իսկ դիզայները լրագրողներին ասել է․ «Իմ մտքում միայն Gucci-ն է»։

Ցուցադրությունը տեղի է ունեցել Միլանի ֆոնդային բորսայի շենքում՝ Palazzo Mezzanotte-ում, որտեղ ներկա էին նաև Kering-ի նախագահ Ֆրանսուա-Անրի Պինոն, նորանշանակ գործադիր տնօրեն Լուկա դե Մեոն և Gucci-ի ղեկավար Ֆրանչեսկա Բելլետինին։ Դեմնայի առաջին ավանդական պոդիումային շոուն նախատեսված է փետրվարին։ Միլանը ամիս տևող համաշխարհային նորաձևության շաբաթների երրորդ հանգրվանն է, որտեղ առաջիկայում իրենց նոր հավաքածուները կներկայացնեն նաև Armani, Prada, Dolce & Gabbana և Fendi, հայտնում է Reuters-ը։