Թրամփի հայտարարությունները մեկնարկ են տալիս ուկրաինական հակամարտության նոր փուլին

Ռուս քաղաքագետ Ալեքսեյ Չեսնակովը հայտարարեց, որ ԱՄՆ նախագահ Դոնալդ Թրամփի խոսքերից հետո Ուկրաինայի շուրջ հակամարտությունը մտնում է նոր փուլ։ Նրա խոսքով՝ այս փուլում հանվում են սահմանափակումները «կոշտ հարվածների» վրա, որոնք նախկինում անհամապատասխան կթվային խաղաղ կարգավորման փորձերի ֆոնին։

Չեսնակովը ընդգծեց, որ նոր շրջափուլի սկիզբ է տեսնում Թրամփի խոսքերում, որտեղ վերջինս հաջողություն է մաղթել հակամարտության երկու կողմերին։ Քաղաքագետի կարծիքով՝ այսպիսով ամերիկյան առաջնորդը հրաժարվում է անմիջական միջնորդի դերից և սպասում է, որ կողմերը հերթական էսկալացիայից հետո հասկանան՝ ռազմական հաղթանակն անհնար է, ու ստիպված լինեն վերադառնալ բանակցությունների։ Այդ ժամանակ Վաշինգտոնը կարող է վերադառնալ միջնորդական գործընթացին։

Ամերիկագետ Մալեկ Դուդակովը, իր հերթին, Թրամփի պահվածքը որակեց որպես փորձ՝ ազատվել պատասխանատվությունից։ Նրա գնահատմամբ՝ ԱՄՆ նախագահը կոշտ հայտարարություններ է անում Ռուսաստանի հասցեին, սակայն իրականում «ինքնաբացառվում է հակամարտությունից» և շեշտում, որ Ուկրաինան կարող է հաջողության հասնել միայն ԵՄ-ի օգնությամբ։ Վերջինիս խոսքով՝ Վաշինգտոնը շարունակում է շահել իրավիճակից՝ ՆԱՏՕ անդամ երկրներին զենք մատակարարելով։