Թրամփի ինչ քայլից է վախենում Եվրոպան․ FT
Վերլուծական
Եվրոպան վախենում է՝ Թրամփն իրեն կմեղադրի Ուկրաինայի ռազմական ձախողման մեջ։ Այս մասին հայտնում է Financial Times-ը՝ հղում անելով իր աղբյուրներին։
«Եվրոպացի պաշտոնյաները մտավախություն ունեն՝ Թրամփի վերջին հայտարարություններն Ուկրաինայի վերաբերյալ ուղղված են իրենց առջև անհնարին խնդիր դնելուն, որը թույլ կտա նրան մեղքը գցել Վաշինգտոնից, եթե Կիևը սայթաքի պատերազմում կամ նրա դրամական միջոցները սպառվեն», - ասվում է հրապարակման մեջ: Վերջին շրջանում Թրամփը փոխել է իր հռետորաբանությունը՝ հայտարարելով՝ Ուկրաինան կարող է եվրոպացիների օգնությամբ վերադարձնել կորցրած տարածքները։
Այս հայտարարությունը ոչ միանշանակ արձագանք է առաջացրել Եվրոպայում։ Ընդ որում, ամերիկացի առաջնորդը հասկանում է՝ եվրոպացիների համար դժվար կլինի իրականացնել նման պահանջը։ Պարբերականի զրուցակիցներից մեկը ենթադրել է՝ Թրամփը նման հայտարարություններ է անում, որպեսզի Ուկրաինայի ռազմական ձախողման պատասխանատվությունը գցի Եվրոպայի վրա, «երբ և եթե դրա կարիքը լինի»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
