Կառավարությունը նախատեսում է 2026-ին պաշտպանական բյուջեն կրճատել շուրջ 15 տոկոսով

Կառավարությունն այսօրվա նիստին հաստատեց 2026 թվականի պետական բյուջեի նախագիծը։

Ըստ այդմ, գործադիրը նախատեսում է հաջորդ տարի պաշտպանական բյուջեն կրճատել շուրջ 15.2 տոկոսով։ Նախագծով պաշտպանության նախարարությանը 2026-ին 563 միլիարդ դրամ կհատկացվի՝ մոտ 1․5 միլիարդ դոլար։ Այս տարվա համեմատ ռազմական ծախսերը կկրճատվեն մոտ 265 միլիոն դոլարով, գրում է «Ազատությունը»։

Հիշեցնենք՝ օգոստոսի 21-ին ՀՀ վարչապետ Նիկոլ Փաշինյանը հայտարարել էր, որ 2026 թվականին պաշտպանական ծախսերի էական աճ չի լինի։

«2026 թվականի պետական ​​բյուջեում պաշտպանական ծախսերի էական աճ չի լինի, կամ ընդհանրապես չի լինի։ Սա տրամաբանական է։ Իհարկե, մենք կշարունակենք օպերատիվ կերպով վերլուծել իրավիճակը», -  ասել էր Փաշինյանը։