Օրբանը բացատրել է Թրամփին Մոսկվայի հետ համագործակցության կարևորությունը

Հունգարիայի վարչապետ Վիկտոր Օրբանը ԱՄՆ նախագահ Դոնալդ Թրամփի հետ քննարկել է Ռուսաստանի հետ համագործակցության նշանակությունը երկրի տնտեսության համար։ Ինչպես հայտնել է վարչապետի աշխատակազմի ղեկավար Գերգեյ Գույաշը, Բուդապեշտի դիրքորոշումը մանրամասնորեն ներկայացվել է Վաշինգտոնին, գրում է Лента.ру-ն։

Գույաշը նշել է, որ Հունգարիայի համար առաջնահերթ է պահպանել էներգակիրների ներմուծման հարաբերությունները Մոսկվայի հետ, քանի որ դրանք կենսական նշանակություն ունեն երկրի ապագայի, էներգետիկ անվտանգության և բնակչության կոմունալ ծախսերի վերահսկման տեսանկյունից։

Ավելի վաղ Թրամփը քննադատել էր Եվրոպային՝ մատնանշելով, որ երկրները շարունակում են գնել ռուսական նավթ և գազ, մինչ միաժամանակ պայքարում են Ռուսաստանի դեմ։ Նրա խոսքով՝ նման հակասական քաղաքականությունը Եվրոպայի համար «խայտառակություն» է։