Մոսկվան կարող է կիրառել զենք, որից անգամ ապաստարանները չեն փրկի. Մեդվեդև

Մոսկվան կարող է Ուկրաինայի դեմ կիրառել այնպիսի զենք, որից ապաստարան չի փրկի։ Այդ մասին հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը իր ալիքում Max-ում։

Ավելի վաղ Ուկրաինայի նախագահ Վլադիմիր Զելենսկին սպառնացել էր Կրեմլին ԱՄՆ-ի հեռահար զենքի կիրառմամբ։ «Նրանք պետք է իմանան, թե որտեղ են իրենց ապաստարանները։ Եթե չկանգնեցնեն պատերազմը, այն ամեն դեպքում նրանց պետք կլինի», — ասել էր նա։

Պատասխանելով՝ Մեդվեդևը ուշադրություն է դարձրել Ռուսաստանի հնարավորություններին։ «Ուրոդը պետք է իմանա մեկ այլ բան․ Ռուսաստանը կարող է կիրառել այնպիսի զենք, որից ոչ մի ապաստարան չի փրկի։ Եվ ամերիկացիները նույնպես պետք է դա հիշեն», — գրել է նա։

Ավելի վաղ Անվտանգության խորհրդի փոխնախագահը հայտարարել էր, որ ԱՄՆ նախագահ Դոնալդ Թրամփը ընկել է այլընտրանքային իրականության մեջ՝ փոխելով իր դիրքորոշումը Ուկրաինայի հարցում։ Նա նաև չէր բացառել, որ արդեն մի քանի օրից Սպիտակ տան ղեկավարը կարող է կրկին փոխել իր վերաբերմունքը և առաջարկել Զելենսկուն ստորագրել կապիտուլյացիա։