ՌԴ մեղադրել է Լեհաստանի ԱԳ նախարարին խաղաղությանը սպառնալիք ստեղծելու մեջ

Լեհաստանի ԱԳ նախարար Ռադոսլավ Սիկորսկին վտանգի տակ է դնում համաշխարհային անվտանգությունը՝ հերոսացնելով «Հյուսիսային հոսքեր» գազատարների պայթեցման մեջ կասկածվող ուկրաինացուն, «Лента.ру»-ի հետ զրույցում հայտարարել է ՌԴ Պետդումայի պատգամավոր Դմիտրի Նովիկովը։

«Կան քաղաքական ընդդիմախոսություն արտահայտելու փաստեր, բայց կան նաև քաղաքական բանդիտիզմի։ Եթե Լեհաստանի պաշտոնական իշխանությունների ներկայացուցիչը իրեն թույլ է տալիս հերոս կոչել մի մարդու, որը օրենքի, միջազգային իրավունքի, առողջ բանականության և իր գործողությունների բնույթի առումով ահաբեկիչ է, ապա նրան կարելի է մեկնաբանել միայն արտախորհրդարանական բառապաշարով», — ասել է Նովիկովը։

Նրա կարծիքով՝ նման հայտարարություններն ու գնահատականները նշանակում են հարվածի տակ դնել համաշխարհային քաղաքականությունն ու անվտանգությունը, որը և այնպես վտանգված է միջազգային իրադարձությունների պատճառով։ «Նման մարդիկ աշխարհը կանգնեցնում են գլոբալ կոլապսի եզրին։ Դա և անպարկեշտ է, և վտանգավոր։ Ճիշտ կլինի, եթե հենց Լեհաստանի քաղաքական գործընթացի մասնակիցներն ինքնուրույն սաստեն պարոն Սիկորսկին և բացատրեն նրան նման հայտարարությունների անթույլատրելիությունը», — ընդգծել է պատգամավորը։

Ավելի վաղ Սիկորսկին հայտարարել էր, որ Լեհաստանը պատրաստ է քաղաքական ապաստան տրամադրել և նույնիսկ շքանշանով պարգևատրել ուկրաինացի Վլադիմիր Ժ.-ին, ով կասկածվում է «Հյուսիսային հոսքերի» պայթեցման մեջ։ Սիկորսկին հավելել էր նաև, որ Վարշավայի համար Վլադիմիր Ժ.-ն համարվում է հերոս։