Հունգարիայում ներկայացրել են՝ ինչ կարժենա ռուսական գազից հրաժարումը

Ռուսական գազից հրաժարումը Հունգարիայի համար կարժենա երկրի ՀՆԱ-ի չորս տոկոսը, հայտարարել է երկրի վարչապետի աշխատակազմի ղեկավար Գերգեյ Գույաշը։

«ԱՄՀ հաշվարկներով՝ ռուսական գազից լիակատար հրաժարումը ամենաուժեղ հարվածը կհասցնի հենց Հունգարիային, և երկիրը կարող է կրել ՀՆԱ-ի կորուստներ, որոնք կգերազանցեն նույնիսկ չորս տոկոսը։ Դա նշանակում է, որ ԱՄՀ-ի հաշվարկով՝ այդ քայլը կարժենա տասը միլիարդ դոլար։ Այս պայմաններում էներգետիկ անվտանգությունը որևէ դեպքում չի կարող երաշխավորվել», — ասել է նա կառավարության բրիֆինգի ժամանակ։

Գույաշը հավելել է, որ փորձերի արդյունքներով պարզվել է՝ Խորվաթական JANAF նավթամուղը չի կարող փոխարինել «Դրուժբա»-ին նավթի մատակարարումների համար, բացի այդ՝ Զագրեբը զգալիորեն բարձրացրել է տարանցման վճարը։

Ավելի վաղ երկրի ԱԳ նախարար Պետեր Սիյարտոն հայտնել էր, որ 2025 թվականի առաջին երեք ամիսներին Հունգարիա Ռուսաստանի գազի ներմուծման ծավալները կրկնապատկել է 2024-ի համեմատ, թեև Կիևը դադարեցրել էր տարանցումը։ Դա դարձել է հնարավոր մասնավորապես «Թուրքական հոսքի» շնորհիվ։