ՌԴ Պետդուման հաստատել է օտարերկրյա գործակալների վերաբերյալ խստացվող օրենքը

Ռուսաստանի Պետդուման վերջնական ընթերցմամբ ընդունել է օրինագիծ, որը խստացնում է օտարերկրյա գործակալների պատասխանատվությունը նրանց գործունեության կարգը չպահպանելու համար։

Փաստաթղթով առաջարկվում է վերացնել նախորդ պահանջը՝ տարվա ընթացքում երկու վարչական խախտման առկայության դեպքում միայն քրեական պատասխանատվություն սահմանելու վերաբերյալ։ Այժմ բավարար կլինի մեկ խախտում։ Բացի այդ, պատասխանատվություն կկրեն նաև այն անձինք, որոնք արդեն դատապարտված են նման պարտավորություններից խուսափելու համար և կրկին չեն կատարել օրենքով սահմանված պահանջները։

Օրինագիծը Պետդումա էր ներկայացվել հուլիսին՝ «Օտարերկրյա գործակալների մասին» օրենսդրության փոփոխությունների շրջանակում։ Դումայի խոսնակ Վյաչեսլավ Վոլոդինը նշել է, որ այս քայլը անհրաժեշտ է Ռուսաստանի քաղաքացիների շահերը պաշտպանելու և երկրի անվտանգությունը ապահովելու համար։ Նրա խոսքով՝ եթե օտարերկրյա գործակալները չդադարեցնեն իրենց գործողությունները, որոնք ուղղված են Ռուսաստանի վնասմանը, խորհրդարանը կշարունակի էլ ավելի խստացնել օրենսդրությունը։