Կառավարությունը կերկարաձգի բենզինի արտահանման արգելքը մինչև տարեվերջ

ՌԴ կառավարությունը կերկարաձգի բենզինի արտահանման արգելքը մինչև տարեվերջ։ Այս մասին հայտնել է փոխվարչապետ Ալեքսանդր Նովակը։

«Մոտ օրերս կերկարացնենք բենզինի արտահանման արգելքը մինչև տարեվերջ։ Բացի այդ, մինչև տարեվերջ կգործի նաև դիզելային վառելիքի արտահանման արգելք ոչ արտադրողների համար։ Սա թույլ կտա լրացուցիչ ապահովել ներքին շուկան նավթամթերքներով», — նշել է Նովակը։

Նրա խոսքով՝ արգելքը չի տարածվի միայն այն մատակարարումների վրա, որոնք իրականացվում են միջկառավարական համաձայնագրերի շրջանակում։ Նովակը նաև ընդգծել է, որ Ռուսաստանում առկա է նավթամթերքների փոքր դեֆիցիտ, որը ներկայումս ծածկվում է պահուստների հաշվին։

Արգելքի նպատակն է կանխել «մոխրագույն արտահանումը», երբ միջնորդները նավթամթերք են գնում ներքին շուկայի գներով, իսկ հետո վաճառում արտահանման՝ ավելի բարձր գնով։