Հնդկաստանի զինված ուժերը հրաժեշտ են տալիս վերջին МиГ-21 կործանիչներին

Սեպտեմբերի 26-ին Հնդկաստանի ռազմաօդային ուժերը վերջնականապես կհեռացնեն սպառազինությունից վերջին МиГ-21 կործանիչները, որոնք ծառայության մեջ էին ավելի քան 60 տարի։ Ինչպես գրում է The Times of India-ն, հրաժեշտի արարողությունը կանցկացվի Չանդիգարխի ավիաբազայում։

Վերջին թռիչքները կիրականացնեն ավիացիոն էսկադրիլիայի հրամանատար Պրիյա Շարման և օդային ուժերի մարշալ Ամար Պրիտ Սինգը։ Այս պահը խորհրդանշական ավարտ է տալիս ամբողջ մի դարաշրջանի, երբ խորհրդային МиԳ-21-ը եղել է Հնդկաստանի ռազմաօդային ուժերի հիմնական հենասյուներից մեկը։

Ավելի վաղ Հնդկաստանը հրաժարվել էր նաև МиГ-29-ից։ Բացի այդ, ըստ Military Watch Magazine-ի, Նյու Դելին քննարկում է ռուսական չորրորդ սերնդի Су-35 կործանիչների մատակարարումից հրաժարվելու տարբերակը՝ նախապատվությունը տալով հինգերորդ սերնդի Су-57-ին, որը պետք է փոխարինի ինչպես МиГ-21-ին, այնպես էլ МиГ-29-ին։