Ձերբակալվել են ՌԴ Անվտանգության Դաշնային Ծառայության շենքը հրկիզելու փորձ կատարած անձինք

Մագադանում երկու տղամարդ փորձել են հրկիզել Ռուսաստանի անվտանգության դաշնային ծառայության (ՖՍԲ) տարածքային վարչության շենքը։ Ինչպես հաղորդում է РИА Новости-ն, նրանք նախկինում պատասխանատվության էին ենթարկվել ապօրինի ձկնորսության համար։

Քննչական տվյալներով՝ մեղադրյալները տարածք էին նետել քիմիական նյութ, որն այրել է մի ծառայողական մեքենայի ներկը մինչև մետաղ, իսկ մեկ այլ մեքենայի վրա տեղադրել էին մետաղական սուր փշերով «աստղ»։ Նրանք նախապես պատրաստել էին երեք տարա՝ դյուրավառ խառնուրդով, սակայն հրկիզումն ավարտին հասցնել չեն հասցրել․ հանցագործներին վնասազերծել են։

Ըստ հետաքննության՝ հարձակման դրդապատճառը եղել է վրեժխնդրությունը․ նրանք ցանկացել էին ահաբեկել ուժային կառույցներին։ Նրանց նկատմամբ հարուցվել է քրեական գործ՝ ահաբեկչության նախապատրաստման հոդվածով։ Միաժամանակ ստուգվում է տեղեկությունը, ըստ որի՝ ձերբակալվածներից մեկին փաստաբանի խոսքով ենթարկել են ճնշումների՝ խոստովանություն կորզելու նպատակով։