Բելառուսի ԱԷԿ-ը դարձավ «Գազպրոմի» մրցակից. Պուտին

Ռուսաստանի նախագահ Վլադիմիր Պուտինը, Բելառուսի առաջնորդ Ալեքսանդր Լուկաշենկոյի հետ հանդիպման ընթացքում, կատակել է, թե Բելառուսում առաջին ատոմային էլեկտրակայանի գործարկումը մրցակից է ստեղծել «Գազպրոմի» համար։ Այդ մասին հայտնում է ՏԱՍՍ գործակալությունը։

Պուտինի խոսքով՝ ներկայում Բելառուսի ԱԷԿ-ը ապահովում է երկրի էլեկտրաէներգիայի մոտ 40 տոկոսը, մինչ այդ «Գազպրոմը պարզապես մատակարարում էր հում էներգակիր», որն ամրակցվում էր բելառուսական համակարգին։ «Այժմ էլ են գնում, բայց, իհարկե, պահանջարկն այս իմաստով նվազել է», — նշել է նա։

Լուկաշենկոն իր հերթին ընդգծել է, որ Բելառուսում հնարավոր է կառուցել ևս մեկ ԱԷԿ՝ հաշվի առնելով Ռուսաստանի արևմտյան և նոր միացված շրջանների կարիքները։ Նրա խոսքով՝ կայանի շինարարությունն իրենք կարող են իրականացնել սեփական ուժերով, սակայն ռեակտորներն ու տուրբինները կպատվիրվեն Ռուսաստանին։