Brunello Cucinelli-ին մեղադրում են ՌԴ-ում վաճառքների համար՝ շրջանցելով ԵՄ պատժամիջոցները

Իտալական շքեղաձև բրենդ Brunello Cucinelli-ին մեղադրել են Ռուսաստանի հաճախորդներին շքեղ ապրանքներ վաճառելու մեջ՝ անտեսելով Եվրամիության սահմանած սահմանափակումները։ Այդ մասին հայտնում է Bloomberg-ը։ Morpheus Research ընկերության հետաքննությունը ցույց է տվել, որ բրենդը շարունակում է գործարկել մի շարք խանութներ Մոսկվայում՝ առաջարկելով հազարավոր եվրո արժողությամբ լայն տեսականի։ Մինչդեռ ԵՄ-ն դեռ 2022-ին արգելել էր շքեղ ապրանքների արտահանումը Ռուսաստան։

Բրենդի գլխավոր գործադիր տնօրեն Լուկա Լիսանդրոնին հայտարարել է, որ Ռուսաստանում վաճառվում է սահմանափակ տեսականի, ինչը թույլատրված է ԵՄ օրենսդրությամբ։ Նրա խոսքով՝ Brunello Cucinelli-ի խանութները փակ են, սակայն ընկերությունը շարունակում է անհատական սպասարկում ցուցաբերել մոսկովյան շոուռումում և համագործակցել մեծածախ գործընկերների հետ։

Morpheus-ը, սակայն, հայտարարությունը կասկածելի է համարել՝ ընդգծելով, որ 2025-ի օգոստոսին և սեպտեմբերին իրենց «գաղտնի գնորդները» հաստատել են Մոսկվայի որոշ խանութների բաց լինելը։ Վաճառվող ապրանքների պիտակները ցույց են տվել, որ դրանք արտադրվել են Իտալիայում վերջին երկու տարվա ընթացքում։ Հետաքննության հրապարակումից հետո իտալական ֆինանսական վերահսկող մարմինը ժամանակավորապես դադարեցրել է Brunello Cucinelli-ի բաժնետոմսերի առևտուրը՝ սպասելով ընկերության պաշտոնական հայտարարությանը։