«Հյուսիսային հոսքերի» պայթեցումները անհնար կլինեին առանց Բայդենի վարչակազմի գիտության. Պեսկով

Կրեմլի խոսնակ Դմիտրի Պեսկովը հայտարարել է, որ ռուսական «Հյուսիսային հոսք-1» և «Հյուսիսային հոսք-2» գազամուղերի պայթեցումները չէին կարող իրականացվել առանց ԱՄՆ նախկին նախագահ Ջո Բայդենի վարչակազմի գիտության։ Այդ մասին հայտնում է ՏԱՍՍ-ը։

«Ով էր նպաստել դրան՝ ակնհայտ է, որ առանց նախագահ Բայդենի վարչակազմի գիտության նման գործողությունները Ուկրաինայի և կիևյան ռեժիմի կողմից պարզապես անհնար կլինեին», — ասել է Պեսկովը։

Նախկինում Պեսկովը նշել էր, որ «Հյուսիսային հոսքերի» գործով կոնկրետ կասկածյալի ձերբակալությունը շատ բան է ասում այն մասին, թե ով է կանգնած դիվերսիաների հետևում։ Գազամուղերի վրա հարձակումները տեղի էին ունեցել 2022 թվականի սեպտեմբերի 26-ին։ Այս տարվա օգոստոսի 21-ին իտալական կարաբիներները Գերմանիայի դատախազության պահանջով Ռիմինի նահանգում ձերբակալել էին 49-ամյա ուկրաինացի Սերգեյ Կուզնեցովին, որը համարվում է պայթեցումների մասնակից։