Առանց ռուսական նավթի Հունգարիայի տնտեսությունը «կծնկի». Օրբանը՝ Թրամփին

Հունգարիայի վարչապետ Վիկտոր Օրբանը ԱՄՆ նախագահի Դոնալդ Թրամփի հետ հեռախոսազրույցում հայտարարել է, որ եթե Բուդապեշտը հրաժարվի ռուսական էներգակիրներից, երկրի տնտեսությունը «կհայտնվի ծնկի վրա»։ Նրա խոսքերը փոխանցում է Associated Press (AP)-ը։

«Ես ասացի նախագահ Թրամփին, որ եթե Հունգարիան զրկվի ռուսական նավթից և բնական գազից, երկրի տնտեսական ցուցանիշները անմիջապես կկրճատվեն 4 տոկոսով։ Այդպիսով, մեր տնտեսությունը կհայտնվեր ծնկի վրա», — ընդգծել է Օրբանը։

Նա հավելել է, որ ռուսական էներգակիրներից հրաժարումը Հունգարիայի համար կլինի «կատաստրոֆա» և շեշտել է, որ Բուդապեշտը նավթի ներկրման հարցում որոշումներ կընդունի բացառապես սեփական ազգային շահերից ելնելով։

Հիշեցնենք, սեպտեմբերի 23-ին Թրամփը նշել էր, որ Հունգարիան կարող է դադարեցնել ռուսական նավթի գնումները և ընդգծել էր, որ Օրբանի հետ ունի բարեկամական հարաբերություններ, ինչը թույլ է տալիս քննարկել նման հնարավորություն։