Չինաստանում սկսել են ձուկ որսալ հենց փողոցներում. (տեսանյութ)
Համաշխարհային ՄամուլՉինաստանի ափամերձ քաղաքների՝ Մակաոյի և Չժանչժոուի փողոցները սուպերտայֆուն «Ռագասայի» հետևանքով առաջացած ջրհեղեղից հետո վերածվել են իսկական ձկնորսական ջրերի։ Sky News-ի հրապարակած կադրերում երևում է, թե ինչպես տեղացիները փորձում են ձեռքով որսալ ջրի մեջ լողացող խոշոր ձկներ։
Որոշ բնակիչներ բռնել են պոլիէթիլենային տոպրակներ ու ցանցեր, իսկ մի քանիսը նույնիսկ հեծանիվներով են եկել, որպեսզի հեշտությամբ տանեն որսը։ Գտնվել են նաև նրանք, ովքեր նախընտրել են սելֆի անել իրենց անսպասելի «որսի» ֆոնին։
«Ռագասա» սուպերտայֆունը հարավային Չինաստանին հարվածել է սեպտեմբերի 24-ին՝ առաջացնելով հորդառատ անձրևներ ու ուժգին քամիներ։ Արդյունքում բազմաթիվ քաղաքներ ջրհեղեղվել են, և վտանգավոր շրջաններից նախապես հաջողվել է տարհանել ավելի քան մեկ միլիոն բնակիչների։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
