«Եթե ուզում եմ փոփոխություն և ունեմ հնարավորություն, կփոխեմ իմ մարմինը». Կարդի Բի

Ամերիկացի հիփ-հոփ աստղ Կարդի Բին խոստովանել է, որ պլաստիկ վիրահատությունների հանդեպ իր հետաքրքրությունը պայմանավորված չէ բարդույթներով․ դա պարզապես նրա ցանկությունն է՝ փորձել նոր բաներ և փոխել իր կերպարը։

Երգչուհին պատմել է, որ կարիերայի սկզբում գումար էր վաստակում մերկապարով, և իր արտաքինն էր նրա գլխավոր գործիքը։ Կարդի Բին հավելել է, որ իր մարմինը համարում է նման մի բանի, ինչպիսին պերիուկն է՝ կարող է փոխել այն ըստ տրամադրության։

«Եթե ուզում եմ փոփոխություն և ունեմ հնարավորություն, կփոխեմ իմ մարմինը։ Դա ոչ թե ինքնավստահության պակասից է, այլ իմ ցանկությունն է՝ դուր գալ ինքս ինձ և լինել տարբեր», — ընդգծել է նա։