Ռուսական կողմը չի միանա հակկորեական որևէ հայտարարության և փաստաթղթի․ ԱԳՆ

Ռուսական կողմը չի միանա հակկորեական որևէ հայտարարության և փաստաթղթի։ ՌԴ ԱԳՆ-ում այդպես են պարզաբանել միջուկային փորձարկումների համապարփակ արգելման մասին պայմանագրի ուժի մեջ մտնելուն նպաստող 14-րդ խորհրդաժողովին Մոսկվայի մասնակցությունից հրաժարվելու պատճառները, գրում Է Lenta-ն:

Հաղորդվում է՝ համաժողովի եզրափակիչ փաստաթղթի տեքստը չի համապատասխանում Ռուսաստանի մոտեցումներին: Դիվանագետները պարզաբանել են՝ չեն կարող ընդունել այն մեղադրանքները, որոնք պարունակվում են ՌԴ դաշնակից ԿԺԴՀ-ի վերաբերյալ: 

Ինչպես հստակեցրել են՝ պայմանագիրն իր իրավական ուժը չստանալու պատճառը Վաշինգտոնի «օբստրուկցիոնիստական դիրքորոշումն» է դրա նկատմամբ։ Խնդիրը կայանում է նրանում, որ «իրար հաջորդող ամերիկյան վարչակազմերն արդեն շուրջ երեսուն տարի ոչ մի ջանք չեն գործադրում», որպեսզի պայմանագիրը վավերացվի։