Եվրոպայի երկնքում անհայտ դրոններ են նկատել (լուսանկար)

Շվեդիայում նկատել են անհայտ դրոններ, որոնք թռչում են Կարլսկրուն ռազմաբազայի մոտ, որտեղ գտնվում է երկրի խոշորագույն ռազմածովային բազան: Այս մասին հայտնում է Военкоры Русской Весны Telegram-յան ալիքը։

Ըստ տվյալների՝ ռազմաբազայի մոտ նկատել են թարթող լույսերով երկու խոշոր անօդաչու թռչող սարք։ «Ոչ մի առարկա չի առգրավվել, և գործով կասկածյալներ չկան։ Սակայն ոստիկանությունն ակնհայտ կապ է տեսնում Դանիայի և Նորվեգիայի վերջին իրադարձությունների հետ, որտեղ նույնպես դրոններ են նկատել», - հայտնել են տեղի ոստիկանությունից։

Սա առաջին դեպքը չէ, երբ ԱԹՍ-ներ են նկատում Եվրոպայի երկնքում։ Լիտվայի ոստիկանությունը նաև երեք ԱԹՍ է արձանագրել Վիլնյուսի օդանավակայանի շրջանում, ինչի պատճառով դադարեցվել է օդանավակայանի աշխատանքը: