Էմմի 2025. Կարմիր գորգի ամենաքննարկվող կերպարները

Լոս Անջելեսի Peacock Theater-ում կայացած 77-րդ «Էմմի» մրցանակաբաշխությունը ոչ միայն հեռուստաշոուների, այլև նորաձևության փառատոն էր․ կարճ բաճկոն-ֆրակներ, «մերկ» զգեստներ և վարդագույնի բոլոր երանգները դարձան երեկոյի գլխավոր միտումները, փոխանցում է CNN Style-ը։

Գոթական շքեղությամբ առանձնացավ Ջեննա Օրտեգան՝ Givenchy-ի մարգարիտներով ու մեծ քարերով կազմված բաց զարդանախշ զգեստով, որը հիշեցնում էր Իզաբելա Ռոսելինիի կերպարը «Death Becomes Her» ֆիլմից։ Վարդագույնի ալիքը ղեկավարեց «The White Lotus»-ի և Blackpink-ի աստղ Լիսան՝ Lever Couture-ի փրփրուն, վրձնահարվածների նման շերտերով զգեստով և Bulgari-ի Serpenti վարդագույն շափյուղաներով զարդերով։ Կարմիր գորգի դասական շքեղությունը ներկայացրին Քեյթ Բլանշեթն ու Լեսլի Բիբբը՝ մահացած Ջորջո Արմանիի վերջին հավաքածուից։

Զույգերից աչքի ընկան Սելենա Գոմեսն ու Բենի Բլանկոն՝ կարմիր-սև համադրված կերպարով, ինչպես նաև Ադամ Բրոդի-Լեյտոն Միսթերն ու Սեթ-Լորեն Ռոգեն զույգերը։ Քաղաքական ուղերձներով աչքի ընկան Մեգան Ստալտերը՝ «Ceasefire» գրությամբ պայուսակով, և Խավիեր Բարդեմը՝ քեֆիեով։ Տղամարդկանցից Սամ Նիվոլան և Պոլ Դաունսը ներկայացան կարճ բաճկոն-ֆրակներով, իսկ Bowen Yang-ը շոգին դիմագրավեց՝ ընտրելով բացվածքով մետաքսե տանկ-թոփ։ Շոուի ամենաշատ քննարկված աստղերից Սիդնի Սուինին շքեղ Oscar de la Renta զգեստով դասական փայլ հաղորդեց երեկոյին։