Ռուսաստանը հարգում է Թուրքիայի դիրքորոշումը․ ՌԴ ԱԳՆ
Աշխարհ
Ռուսաստանի արտգործնախարար Սերգեյ Լավրովը ՄԱԿ-ում անցկացված մամուլի ասուլիսում մեկնաբանել է ԱՄՆ նախագահ Դոնալդ Թրամփի այն հայտարարությունը, որով ցանկանում էր, որ Թուրքիան դադարեցնի ռուսական նավթի գնումները։
Լավրովը նշել է, որ ռուսական կողմը հարգում է Թուրքիայի դիրքորոշումը։
«Ես չեմ ուզում ենթադրություններ անել, բայց ուզում եմ հաստատել այն, ինչ միշտ ասում եմ Թուրքիայի և մեր մյուս գործընկերներից որևէ մեկի մասին։ Մենք հարգում ենք Թուրքիայի Հանրապետության դիրքորոշումը, և բնավ չենք կասկածում, որ Թուրքիայի Հանրապետությունը հարգում է ինքն իրեն և իր ժողովրդին»,- ասել է Լավրովը։
Հիշեցնենք, որ Թրամփն իր թուրք գործընկեր Ռեջեփ Թայիփ Էրդողանի հետ հանդիպման ժամանակ հայտարարել էր, որ կցանկանար, որ Անկարան դադարեցնի ռուսական նավթի գնումները։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
