«Թուրքական գայլերի ոհմակը չի դադարում իր ոռնոցները»

Այսօր Ֆրանսիայի սենատը քվերակության է դնելու Հայոց ցեղասպանությունը ժխտելը քրեականացնող օրինագիծը։ 

Այս օրինագծի ստորին պալատի կողմից ընդունվելուց հետո Թուրքիայի իշխանությունները չեն դադարում Ֆրանսիայի դեմ նոր սպառանլիքներ հնչեցնել՝ Ֆրանսիային մեղադրելով խոսքի ազատության սահմանափակման և ժողովրդավարական արժեքների ոտնահարման մեջ։

Այժմ Թուրքիան սառեցրել է քաղաքական և ռազմական հարաբերությունները Ֆրանսիայի հետ և սպառնում է Սենատի կողմից օրինագծի ընդունման և Սարկոզիի կողմից հաստատման դեպքում նոր ավելի խիստ սանկցիաներ կիրառել Ֆրանսիայի դեմ։

Թուրքիայի արտգործնախարարը շաբաթ օրը հայտարարել է, որ պաշտոնական Անկարան խիստ դեմ է օրինագծի հաստատմանը և ավելացրել է, որ պատրաստ են «շարունակական սանկցիաների» կիրառմանը՝ ընդգծելով, որ դա դեմ է եվրոպական արժեքներին և չի նպաստելու հայ–թուրքական հարաբերությունների ամրապնդմանը։

Դավութօղլուն հետաձգել է երկուշաբթի Բրյուսել կատարելիք այցը՝ տեղեկացնելու ԵՄ արտաքին գործերի նախարարներին Թեհրան կատարած այցի մանրամասները Իրանի միջուկային ծրագրի շուրջ, հիմնավորելով, որ ցանկանում է հետևել այսօր Ֆրանսիայի սենատի կողմից օրինագծի քննարկմանը։ 

Որբաթ օրը Սարկոզիի կողմից Թուրքիայի վարչապետին ուղղված նամակում, Սարկոզին հույս է հայտնել, որ Թուրքիան ողջամիտ կգտնվի և օրինագծի թեմայի վերաբերյալ կերկխոսի Ֆրանսիայի հետ՝ նշելով, որ այդ օրինագիծը ուղղված է չէ որևէ պետության՝ մասնավորապես ժողովրդի դեմ։

Սարկոզին ավելացրել է, որ «Թուրքիան պետք է գնահատի երկու երկրների ընդհանուր շահերը, որոնք միավորում են ֆրանսիացի և թուրք ժողովուրդներին»։ 

Սակայն ինչպես գործընթացները ցույց են տալիս այս օրինագիծը Ֆրանսիայի իշխանությունների կողմից չընդունվեցին միանշանակորեն՝ նույնիսկ Ֆրանսիայի արտգործնախարար Ալեն Լյուպեն օրինագիծը համարեց «անժամանակ»։ 

Անցյալ շաբաթ սենատի իրավական հարցերով հանձնաժողովը չընդունեց օրինագծի իրավականությունը, չնայած, այդ որոշումը ոչ մի ազդեցություն չունի այն օրենք դառնալու համար։ 

Սակայն օտարերկրյա և տեղական մի շարք վերլուծաբաններ կարծում են, որ Ֆրանսիայի իշխանությունների՝ մասնավորապես Սարկոզիի պոզիտիվ տրամադրվածությունը օրինագծի ընդունման վերաբերյալ պայմանավորված է՝ Ֆրանսիայում հայկական մեծ համայնք ունենալու փաստով, որը Սարկոզին առաջիկա նախագահական ընտրություններում ամեն կերպ փորձում է գրավել իր կողմը։ 

Հուսանք, որ Ֆրանսիան՝ ի դեմս այդ երկրի նախագահի այս անգամ Հայոց ցեղասպանության հարցը չի օգտագործի ի նպաստ իր սեփական շահերի և կառաջնորդվի համամարդկային սկզբունքներով։