Ռուսաստանը բարձրացնում է բյուջեի դեֆիցիտը՝ մինչև 5,7 տրիլիոն ռուբլի

Ռուսաստանի Դաշնության բյուջեի դեֆիցիտը 2025-ին կաճի մինչև 5,74 տրիլիոն ռուբլի՝ կազմելով 2,6% ՀՆԱ-ի։ Ինչպես հայտնում է ՏԱՍՍ-ը, կառավարությունը Գոսդումա է ներկայացրել նոր փոփոխություններ, որոնք կքննարկվեն հոկտեմբերի 15-ին։ Ըստ հաշվարկների՝ երկրի եկամուտները կկազմեն 36,6 տրիլիոն, իսկ ծախսերը՝ 42,3 տրիլիոն ռուբլի։

Սա արդեն երկրորդ անգամն է տարվա ընթացքում, երբ փոխվում են բյուջեի հիմնական ցուցանիշները։ Ավելի վաղ՝ մայիս-հունիսին, դեֆիցիտը բարձրացվել էր մինչև 3,79 տրիլիոն ռուբլի կամ 1,7% ՀՆԱ-ի։ Նոր հաշվարկներով ցուցանիշը կհասնի 2,6%-ի՝ հաշվի առնելով ծախսերի աճն ու նավթագազային եկամուտների նվազումը։

Մակրոտնտեսական վերլուծությունների կենտրոնի փորձագետ Էմիլ Աբլաևը նշել է, որ դեֆիցիտի մեծացումը պայմանավորված է ոչ միայն էներգետիկ եկամուտների անկմամբ, այլև պետական ծախսերի շարունակական աճով։