Ռուսաստանում մինչև 2030-ը կրճատվելու է խնայողություններ չունեցող քաղաքացիների թիվը

Freedom Finance Global-ի առաջատար վերլուծաբան Նատալյա Միլչակովան «Լենտա.ռու»-ին հայտնել է, որ առաջիկա տարիներին Ռուսաստանում կնվազի խնայողություններ չունեցող քաղաքացիների բաժինը։

Վերլուծաբանի խոսքով՝ հինգ տարի առաջ ավելի քան կեսը չուներ որևէ խնայողություն, սակայն բանկերի բարձր տոկոսադրույքները, ֆոնդային շուկայի և ոչ պետական կենսաթոշակային ֆոնդերի երկարաժամկետ ծրագրերի տարածումը փոխել են ռուսաստանցիների ֆինանսական վարքագիծը։ Այդ պատճառով մեծացել է ապագայի համար խնայողություններ ստեղծած քաղաքացիների թիվը, գրում է Лента.ру-ն։

Միլչակովայի կանխատեսմամբ՝ եթե 2023-2025 թթ. շարունակվի աշխատավարձերի տարեկան 10–15% աճը, ապա խնայողություններ չունեցողների տոկոսը կարող է նվազել տարեկան 4–5 տոկոսային կետով և 2030-ին հասնել 10–20%-ի՝ ներկայիս 35–38%-ի փոխարեն։