ՌԴ-ում քննադատել են Բրիտանիայի ՊՆ ղեկավարի՝ Պուտինին ուղղած ուղերձը

ՌԴ Դաշնության խորհրդի միջազգային հարաբերությունների կոմիտեի առաջին փոխնախագահ Վլադիմիր Ջաբարովը քննադատել է Բրիտանիայի պաշտպանության նախարար Ջոն Հիլիի՝ Վլադիմիր Պուտինին ուղղած հայտարարությունը, թե Ռուսաստանը չի կարող հաղթել Ուկրաինայի հակամարտությունում։

«Մեծ պատիվ է նման մեծ երկրի ղեկավարին դիմել։ Նա ընդամենը նախարար է՝ այսօր նախարար, վաղը՝ ոչ ոք։ Թող իր հայտարարությունները պահի նախնիների համար ու ցույց տա, թե ինչպես էր դիմում Ռուսաստանի ղեկավարին։ Եթե շարունակի այդ քաղաքականությունը, կվերջացնի այնպես, ինչպես Ուկրաինան, եթե ոչ՝ ավելի վատ»,— ասել է Ջաբարովը «Լենտա.ռու»-ին տված մեկնաբանությունում։

Ավելի վաղ Ջոն Հիլին Լիվերպուլում տեղի ունեցած ելույթի ընթացքում հայտարարել էր․ «Պուտին, դուք չեք հաղթի, ժամանակն է համաձայնվել խաղաղությանը»։ Նա ընդգծել էր, որ Ուկրաինայի անվտանգությունը Բրիտանիայի անվտանգության անբաժանելի մասն է, և Լոնդոնը շարունակելու է աջակցել Կիևին։