Կորուստ՝ դերասանուհի Մագա Հարությունյանի ընտանիքում
Ժամանց
Սեպտեմբերի 27-ին Վիրահայոց թեմի հարյուրավոր ներկայացուցիչներ Թբիլիսիի Սբ. Գևորգ առաջնորդանիստ եկեղեցուց դեպի հավիտենականություն են ճանապարհել 86 տարեկան հասակում իր մահկանացուն կնքած Վիրահայոց թեմի վաստակաշատ հոգևոր սպասավոր, արժանապատիվ Տեր Եղիշե ավագ քահանա Հարությունյանին:
Սուրբ Պատարագին ներկա են եղել Վիրահայոց թեմի Սամցխե-Ջավախքի և Ծալկայի ընդհանուր առաջնորդական փոխանորդ Հգշ. Տեր Նշան վարդապետ Հմայակյանը, Վրաստանի հայաբնակ տարածաշրջաններից և Հայաստանից ժամանած հոգևոր հայրեր, եկեղեցական սպասավորներ, հավատացյալներ, բազում քաղաքացիներ:
Հընթացս Սբ.Պատարագի Գրշ. Տեր Կիրակոս եպս. Դավթյանի ձեռամբ, շարականների կատարմամբ և սաղմոսների ընթերցանությամբ Հայոց Եկեղեցու ծիսական կանոններով կատարվել է ննջեցյալի վերջին օծումը:
Վիրահայոց թեմի առաջնորդը արժևորել է ննջեցյալ Տեր Եղիշեի անմնացորդ նվիրումը եկեղեցու ծառայությանը, քրիստոնեական գաղափարների աներկբա ընկալմանը և սերունդներին փոխանցմանը: Դրա վկայությունը Տեր Եղիշեի խրատների և ուսուցողական ճիշտ մեկնաբանությունների շնորհիվ իր որդու և թոռան նվիրումն է Եկեղեցու ծառայությանը և բազում երիտասարդների դեպի եկեղեցի ուղղորդելը:
Գրշ. Տեր Կիրակոս Սրբազանը Սրբալույս մյուռոնով վերջին անգամ օծել է Տեր Եղիշեի ճակատն ու դաստակը և աջակողմյան մասում տեղադրել Կարմիր Ավետարանը:
Հոգևոր դասի բոլոր անդամները մեկ առ մեկ հրաժեշտ են տվել հանգուցյալին:
Հավարտ Սուրբ Պատարագի կատարվել է թաղման արարողությունը: Տեր Եղիշե ավագ քահանա Հարությունյանի աճյունը հոգևորականների և հարյուրավոր քաղաքացիների հոծ թափորը ուղեկցել է Թբիլիսիի հայ գրողների և հասարակական գործիչների Խոջիվանքի պանթեոն, որտեղ Եկեղեցու արժանավոր նվիրյալը գտել է իր հավիտենական հանգրվանը ազգի մեծամեծների կողքին:
Տեր Եղիշեի հուղարկավորության արարողությանը մասնակցել է նաև նրա թոռնուհին՝ դերասանուհի Մագա Հարությունյանն՝ ամուսնու՝ դերասան Սուրեն Փահլևանյանի հետ։
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
