Բաքուն թուրքական լրատվամիջոցներին մեղադրում է Ադրբեջանի վերաբերյալ «կեղծ լուրեր» տարածելու մեջ

Ադրբեջանում Թուրքիայի դեսպանատունը իր դիրքորոշումն է հայտնել թուրքական լրատվամիջոցներում վերջերս տարածվող «կեղծ լուրերի» վերաբերյալ, հաղորդում է APA-ն։

Նշվում է, որ Թուրքիայի դեսպանատան մամուլի կցորդ Ալպտեկին Ջիհանգիր Իշբիլիրը հայտարարել է, որ իրենք աշխատում են թուրք-ադրբեջանական մեդիա հարթակի զարգացման և գործընթացներում դրա ավելի ակտիվ մասնակցության ուղղությամբ։

«Մենք պայքարելու ենք թուրք-ադրբեջանական հարաբերությունները խաթարող ներքին և արտաքին ուժերի դեմ։ Մենք պետք է բանակցենք և դիմակայենք այդ ուժերին։ Մենք պետք է ավելի ամուր լինենք միասին՝ չթողնելով որևէ բաց, որպեսզի ոչ ոք չկարողանա մեր միջև կանգնել։ Կան նաև նրանք, ովքեր ենթարկվում են ներքին և արտաքին ուժերի խաղերին, որոնք ձգտում են փչացնել Ադրբեջանի և Թուրքիայի միջև հարաբերությունները։ Բայց մենք պետք է ավելի սերտորեն համագործակցենք դրա դեմ», - նշել է նա։

Ավելի վաղ Միջազգային հարաբերությունների վերլուծության կենտրոնի խորհրդի նախագահ Ֆարիդ Շաֆիևը հայտարարել էր, թե Ադրբեջանի դեմ Մերձավոր Արևելքի թեմայով ապատեղեկատվական արշավ է տարվում։

Ֆարիդ Շաֆիևը նշել էր, որ եթե նախկինում Ադրբեջանի դեմ արշավը նախկինում կենտրոնացած էր հայ-ադրբեջանական հարաբերությունների վրա, այժմ այն ​​վերաբերում է Մերձավոր Արևելքում տեղի ունեցող իրադարձություններին։