Պատեր ստեղծելը միշտ էլ վատ է․ Պեսկով

Ռուսաստանը բացասաբար է վերաբերվում միավորման արևելյան թևում «դրոնների պատ» ստեղծելու Եվրամիության գաղափարին։ Հայտարարել Է Կրեմլի պաշտոնական ներկայացուցիչ Դմիտրի Պեսկովը, փոխանցում է Gazeta-ն։

«Պատեր ստեղծելը միշտ էլ վատ է, ինչպես ցույց է տալիս պատմությունը։ Շատ ցավալի է, որ Ուկրաինայի ռազմատենչ առճակատման քաղաքականությունն այժմ կարող է նյութականացվել նոր բաժանարար պատերի ստեղծման գործում։ Նրանք շարունակում են նման ռազմատենչ տրամադրվածությունը՝ փոխանակ մտածելու՝ ինչպես երկխոսության մեջ մտնել, որպեսզի համատեղ անվտանգության երաշխիքներ փնտրեն երկխոսության ընթացքում և շրջանակներում», - ասել է ներկայացուցիչը։

Պեսկովը հավելել է՝ ռուսական կողմն այս թեմայով տարբեր արձագանքներ է լսում Եվրոպայի երկրներից և շարունակում է հետևել դրան: