ՀՕՊ ուժերը խոցել են երկու «Նեպտուն» հրթիռ և 128 ուկրաինական ԱԹՍ

Ռուսաստանի Պաշտպանության նախարարությունը հայտնել է, որ ՀՕՊ համակարգերը խոցել են Ուկրաինայի զինված ուժերի արձակած երկու «Նեպտուն» տիպի թևավոր հրթիռներ, որոնք, ըստ գերատեսչության, չեն հասցրել հասնել նպատակակետին։ Նշվում է նաև, որ վերջին մեկ օրում ռուսական տարածքի վրա ներխուժած 128 ուկրաինական անօդաչու թռչող սարք նույնպես ոչնչացվել է։

Պետդումայի պատգամավոր Անդրեյ Կոլեսնիկը հայտարարել է, որ Կիևի կողմից նման հարձակման փորձը վկայում է երկար հեռահարության զինատեսակների կիրառման և հակամարտության սրման մասին։ Նա ընդգծել է, որ խոցված հրթիռների թիրախները կարող էին լինել ինչպես ռազմական, այնպես էլ քաղաքացիական օբյեկտներ, հայտնում է Лента.ру-ն:

Ռազմական փորձագետ Վասիլի Դանդիկինի խոսքով՝ «Նեպտուն»-ը ԽՍՀՄ արտադրության Խ-35 հրթիռի ուկրաինական մոդիֆիկացիան է, որը դժվար է հայտնաբերել ու խոցել ցածր թռիչքի բարձրության պատճառով։ Միաժամանակ փորձագետները վստահեցնում են, որ ռուսական С-400 համակարգերն արդյունավետ են նման հարձակումների դեմ։